სოფელ ჭოღაში, მდინარე ,,შებეზე”, აქტიურად მიმდინარეობს ნაპირსამაგრი ჯებირის მოწყობის სამუშაოები
პროექტი საავტომობილო გზების დეპარტამენტის მიერ ხორციელდება.
მიმდინარე სამუშაოებს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი ადგილზე გაეცნენ.
,,გამართული ინფრასტრუქტურა, უსაფრთხო და რეაბილიტირებული გზები, მოწესრიგებული ნაპირსამაგრი ჯებირები, სანიაღვრე არხები, მნიშვნელოვანი ფაქტორია ადგილობრივი მოსახლეობის პირობების გაუმჯობესების კუთხით. ამ მიმართულებით მუნიციპალიტეტში ბევრი პროექტი განვახორციელეთ, თუმცა, გამოწვევები ჯერ კიდევ წინ გვაქვს. საგზაო ინფრასტრუქტურას ყველა სოფელსა და უბანში ეტაპობრივად მოვაწყობთ.“ - განაცხადა მუნიციპალიტეტის მერმა დათო გოგუამ.
