დღეს ჩხოროწყუს მუნიციპალიტეტის მერიისა და საკრებულოს სააქტო დარბაზში CENN-ის ინიციატივით სემინარი გაიმართა, რომლის მიზანი იყო ექსპერტთა ჯგუფის მიერ მომზადებული ანგარიშის „სოფელ მუხურის ლანდშაფტი ტურიზმისა და რეკრეაციისთვის”, განვითარების გეგმა და პილოტური ინვესტიციების გაცნობა დაინტერესებული მხარეების ფართო სპექტრთან - ინფორმირების, კოორდინაციისა და თანამშრომლობის პროცესების მხარდაჭერისათვის.

შეხვედრის მონაწილეებს ასევე წარედგინათ მუხურის ქალთა საბჭოს მიერ CENN-ის მხარდაჭერით, ქალთა შესაძლებლობების გაძლიერებისა და ტყის მდგრადი და მრავალფუნქციური გამოყენების გზით შემოსავლის ზრდის ხელშეწყობისთვის დაგეგმილი ადგილობრივი ინიციატივები.

სემინარს მუნიციპალიტეტის მერი დათო გოგუა, მერის მოადგილეები, მერიის ტურიზმის განყოფილების, საკრებულოს და სამეგრელო-ზემო სვანეთის სამხარეო ადმინისტრაციისა და სატყეო სააგენტოს წარმომადგენლები ესწრებოდნენ.

შეხვედრა ორგანიზებულია CENN-ის მიერ, ავსტრიის განვითარების თანამშრომლობის (ADC) ფინანსური მხარდაჭერით, ,,ტყის მდგრადი მართვა სოფლის განვითარებისათვის’’ პროექტის ფარგლებში.