ჩხოროწყუს მუნიციპალიტეტის მერი დათო გოგუა დღეს შპს ჩხოროწყუს ,,სამეგრელოს“ წარმომადგენლებსა და ,,სამეგრელოს’’ მწვრთნელს, პირველ მოადგილე გოჩა ჩიქოვანთან და ქალაქის მაჟორიტარ დეპუტატ ჯანო პერტაიასთან ერთად შეხვდა. შეხვედრაზე შპს-ში არსებულ საჭიროებებსა და სამომავლო გეგმებზე ისაუბრეს.დათო გოგუამ გაწეული შრომისა და მიღწეული წარმატებებისთვის მადლობა გადაუხადა ხელმძღვანელებსა და მწვრთნელებს და სასპორტო ინფრასტრუქტურის მოწყობის მიზნით, მომავალი თანამშრომლობისთვისაც მზაობა გამოთქვა. ჩხოროწყუს ,,სამეგრელო“ ლიგა 2-ში ასპარეზობს. ის 2024 წლის პირველ შეხვედრას 30 მარტს ახალციხის ,,ზარზმასთან“ გამართავს. გარდა ქალთა საფეხბურთო გუნდისა, შპს სამეგრელოში ფუნქციონირებს ასევე ბავშვთა ფეხბურთის უფასო ასაკობრივი ჯგუფები, რომელშიც 160 მოწავლე ირიცხება.