ჩხოროწყუს მუნიციპალიტეტის მერმა დათო გოგუამ მერის წარმომადგენლებთან სამუშაო შეხვედრა გამართა. შეხვედრას ასევე მერის პირველი მოადგილე გოჩა ჩიქოვანი, მერის მოადგილე ვალერი თოდუა,საკრებულოს ფრაქცია ,,ქართული ოცნება -დემოკრატიული საქართველოს“ და მერიის შესაბამისი სამსახურების წარმომადგენლები ესწრებოდნენ. შეხვედრაზე სტიქიის შედეგების სალიკვიდაციო სამუშაოები განიხილეს. აღინიშნა, რომ კომისიის გადაწყვეტილების საფუძველზე სტიქიით დაზარალებულ 167-ვე ოჯახს შესაბამისი დახმარება გაეწევა. უახლოეს დღეებში დაიწყება დაზარალებული ოჯახებისთვის თანხის გადარიცხვა. გათვალისწინებულია ასევე ჭავჭავაძის ქუჩაზე მდებარე 2 მრავალბინიანი კორპუსის გადახურვა. შეგახსენებთ, რომ 5-6 თებერვალს ჩხოროწყუს მუნიციპალიტეტში ძლიერმა ქარმა პრობლემები შექმნა. საცხოვრებელ სახლებს გადახადა სახურავი. დააზიანა ელექტრო ბოძები და სადენები. წააქცია ხეები. შეხვედრაზე ასევე სხვა მიმდინარე საკითხები განიხილეს.