დღეს ქალაქ ჩხოროწყუს კულტურის სახლმა მაყურებელს გიორგი ერისთავის „უჩინმაჩინის ქუდის“ პრემიერაზე უმასპინძლა. პრემიერა ა(ა)იპ „ჩხოროწყუს მუნიციპალიტეტის კულტურის ცენტრისა და მოსწავლე-ახალგაზრდობის სახლის გაერთიანებასთან" არსებულმა სახალხო თეატრმა წარმოადგინა. (სპექტაკლში მონაწილეობენ: ვალერი სიჭინავა, ალეკო შენგელია, შორენა მიქაია, მაკა შენგელია, გაბრიელ თოლორდავა და მიშო მირცხულავა. სუფლიორი - მარინა პაპავა ,მუსიკალური გაფორმება - ვიტალი შანავა, მხატვარი- ბაჩუკი ჟვანია, რეჟისორი - დათიკო დარსალია.) პრემიერას მუნიციპალიტეტის მერი დათო გოგუა და სხვა ხელმძღვანელი პირები დაესწრნენ.