,,შემოქმედებითი ფესტივალი” მუნიციპალიტეტში კულტურის, ძეგლთა დაცვისა და განათლების სამსახურის ორგანიზებით 26 აგვისტოდან მიმდინარეობს, რომელიც დღეს ოთო ნემსაძისა და ნათია დუმბაძის კონცერტით დასრულდა.

ასევე, დღეს, საზეიმო ვითარებაში მუნიციპალიტეტის 2020-2021 წლის 38 წარჩინებულ კურსდამთავრებულს საგანმანათლებლო რესურსცენტრის უფროსმა ლია ჯალაღონიამ ოქროსა და ვერცხლის მედლები გადასცა.

შემოქმედებითი ფესტივალის ფარგლებში სხვადასხვა შემეცნებითი, გასართობი, სპორტული და კულტურული ღონისძიება გაიმართა.

აქტივობებს ჩხოროწყუს მუნიციპალიტეტის მერი დათო გოგუა სხვა ხელმძღვანელ პირებთან ერთად ესწრებოდა.