ჩხოროწყუს მუნიციპალიტეტის მერმა დათო გოგუამ და მერის პირველმა მოადგილემ გოჩა ჩიქოვანმა, მუხურსა და ლესიჭინეში საბავშვო ბაღებში მიმდინარე სარეაბილიტაციო სამუშაოები დაათვალიერეს. პროექტის ფარგლებში მუნიციპალიტეტის 15 საბავშვო ბაღი რეაბილიტირდება. შეიცვლება სახურავი, კარ -ფანჯრები, იატაკი, ჩატარდება კოსმეტიკური სამუშაოები. სამუშაოებს რეგ.განვითარების ფონდი 700 000 ლარით აფინანსებს. დასაქმებულია ადგილობრივი მოსახლეობა.