დღეს, სოფელ ხაბუმეში, ჯუმითის უბანში მცხოვრებ ნუგზარ გულუას ორსართულიანი საცხოვრებელი სახლი ხანძრის შედეგად მთლიანად დაიწვა. ვერ მოხერხდა საოჯახო ტექნიკისა და ინვენტარის გადარჩენა. შემთხვევის შედეგად არავინ დაშავებულა. ხანძარი დაახლოებით დილის 10 :00 საათისთვის გაჩნდა. შემთხვევის ადგილზე იმყოფებოდნენ მუნიციპალიტეტის მერის პირველი მოადგილე გოჩა ჩიქოვანი და მერის მოადგილე ვალერი თოდუა. ხანძრის გაჩენის მიზეზი ჯერჯერობით უცნობია. დაზარალებულ ოჯახს მუნიციპალიტეტის მერია პროგრამულ დახმარებას გაუწევს.