ჩხოროწყუს მუნიციპალიტეტის მერმა დათო გოგუამ და მერის პირველმა მოადგილე გოჩა ჩიქოვანმა ინფრასტრუქტურის სამსახურის წარმომადგენლებთან ერთად, დღეს ქალაქ ჩხოროწყუში მიმდინარე გზის სარეაბილიტაციო სამუშაოები დაათავალიერეს. პროექტის ფარგლებში მშვიდობის ქუჩაზე გზის რეაბილიტაცია ასფალტო-ბეტონის საფარით მიმდინარეობს. სამუშაოებს შ.პ.ს.,, სექოია“ ასრულებს. პროექტი რეგ.განვითარების ფონდის მიერ 300 000 ლარით ფინანსდება. გზის აღნიშნულ მონაკვეთზე ასფალტის საფარი აქამდე არ ყოფილა. ქალაქში მიმდინარე წელს ასფალტო-ბეტონის საფარით რეაბილიტირდა ასევე გრიგოლიას, და ლესელიძეს ქუჩები.